ivitube.com

سمير‭ ‬الجمل يكتب: بابا‭ ‬لسه‭ ‬عايش‭!!‬

في‭ ‬حفل‭ ‬لتكريم‭ ‬شهداء‭ ‬الجيش‭ ‬والشرطة‭.. ‬جلس‭ ‬كبار‭ ‬الشخصيات‭ ‬علي‭ ‬المنصة‭.. ‬وأمامهم‭ ‬أرامل‭ ‬وأبناء‭ ‬وآباء‭ ‬وأمهات‭ ‬وأخوات‭.. ‬الشهداء‭ ‬الذين‭ ‬سقطوا‭ ‬في‭ ‬ميدان‭ ‬الشرف‭ ‬وحلقت‭ ‬روح‭ ‬أحد‭ ‬الشهداء‭ ‬وطافت‭ ‬حول‭ ‬ابنه‭ ‬الطفل‭ ‬الصغير‭.. ‬ولأنه‭ ‬أيضاً‭ ‬برئ‭ ‬وملاك‭ ‬استطاع‭ ‬الطفل‭ ‬ان‭ ‬يحاور‭ ‬أبيه‭:‬
الطفل‭: ‬بابا‭ ‬أنت‭ ‬فين؟‭!‬
الشهيد‭: ‬أنا‭ ‬عند‭ ‬ربنا‭ ‬في‭ ‬الجنة‭!‬
الطفل‭: ‬عايز‭ ‬اجي‭ ‬معاك‭.‬
الشهيد‭: ‬أنت‭ ‬يا‭ ‬حبيبي‭ ‬لازم‭ ‬تعيش‭ ‬عشان‭ ‬تكبر‭ ‬وتخدم‭ ‬بلدك‭ ‬وتبقي‭ ‬قبل‭ ‬كل‭ ‬ده‭ ‬راجل‭ ‬البيت‭ ‬بعد‭ ‬مني‭.‬
الطفل‭: ‬أنا‭ ‬عايزك‭ ‬تلاعبني‭ ‬وتخرج‭ ‬معايا‭ ‬للنادي‭ ‬ونتفسح‭.‬
الشهيد‭: ‬اسمع‭ ‬يا‭ ‬حبيبي‭.. ‬أنت‭ ‬بتحب‭ ‬مصر؟
الطفل‭: ‬مصر‭ ‬اللي‭ ‬هي‭ ‬أمي؟‭!‬
الشهيد‭: ‬مصر‭ ‬اللي‭ ‬هي‭ ‬البيت‭ ‬الكبير‭ ‬اللي‭ ‬بنعيش‭ ‬فيه‭.. ‬يرضيك‭ ‬حد‭ ‬يخرب‭ ‬بيتنا‭.. ‬أو‭ ‬يدمره‭!‬
الطفل‭: ‬أنت‭ ‬كنت‭ ‬بتقولي‭ ‬الراجل‭ ‬لازم‭ ‬يدافع‭ ‬عن‭ ‬بيته‭.. ‬والا‭ ‬يموت‭ ‬أحسن‭!‬
الشهيد‭: ‬عظيم‭.. ‬أنت‭ ‬لسه‭ ‬فاكر‭ ‬كلامي‭ ‬كويس‭ ‬عشان‭ ‬كده‭ ‬أنا‭ ‬مش‭ ‬خايف‭ ‬عليك‭ ‬يا‭ ‬بطل‭.‬
الطفل‭: ‬بابا‭ ‬يعني‭ ‬ايه‭ ‬شهيد؟
الشهيد‭: ‬يعني‭ ‬اللي‭ ‬بيموت‭ ‬عشان‭ ‬غيره‭ ‬يعيش‭ ‬في‭ ‬أمان‭!‬
الطفل‭: ‬أنا‭ ‬عايز‭ ‬ابقي‭ ‬شهيد‭ ‬زيك‭!‬
الشهيد‭: ‬أنت‭ ‬تذاكر‭ ‬كويس‭.. ‬وبعدين‭ ‬تشتغل‭ ‬كويس‭.. ‬وتحب‭ ‬عيلتك‭ ‬وبلدك‭ ‬وساعتها‭ ‬تبقي‭ ‬شهيد‭.‬
الطفل‭: ‬وأموت؟‭!‬
الشهيد‭: ‬الموت‭ ‬والحياة‭ ‬ارادة‭ ‬ربنا‭ ‬سبحانه‭ ‬وتعالي‭.. ‬يعني‭ ‬تعمل‭ ‬اللي‭ ‬عليك‭ ‬وتتوكل‭ ‬علي‭ ‬الله‭ ‬في‭ ‬كل‭ ‬شيء‭.‬
الطفل‭: ‬أنت‭ ‬وحشتنى‭ ‬يا‭ ‬بابا‭.‬
الشهيد‭: ‬لما‭ ‬تحب‭ ‬تشوفنى‭.. ‬تقرأ‭ ‬لي‭ ‬الفاتحة‭ ‬وتغمض‭ ‬عينيك‭ ‬وهتشوفني‭.‬
الطفل‭: ‬لما‭ ‬قالوا‭ ‬اسمك‭ ‬هنا‭ ‬في‭ ‬الحفلة‭ ‬والناس‭ ‬كانت‭ ‬بتصفق‭ ‬لك‭.. ‬أنا‭ ‬شفتك‭..‬
الشهيد‭: ‬ولما‭ ‬زمايلك‭ ‬في‭ ‬الفصل‭ ‬والمدرسة‭ ‬وفي‭ ‬كل‭ ‬حتة‭ ‬كانوا‭ ‬بيقولولك‭ ‬يا‭ ‬ابن‭ ‬البطل‭ ‬مش‭ ‬كنت‭ ‬فرحان‭.‬
الطفل‭: ‬فرحان‭ ‬كأنك‭ ‬معانا‭..‬؟‭!‬
الشهيد‭: ‬مش‭ ‬أنت‭ ‬سمعت‭ ‬القرآن‭ ‬الكريم‭ ‬بيقول‭ ‬ان‭ ‬الشهداء‭ ‬احياء‭ ‬عند‭ ‬ربهم‭.‬
الطفل: يهلل في فرح: بابا لسه عايش.. بابا لسه عايش يا إرهابي!!

سمير‭ ‬الجمل

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *